Jaguar-ის ფლობა — ხშირად დასმული შეკითხვები

რა მიმართულებით ვითარდება Jaguar-ის მომავალი?

გარდაქმნის ჩვენი სტრატეგია 2021 წელს გამოცხადდა — დადასტურდა, რომ Jaguar მთლიანად ელექტროსისტემაზე გადავა 2039 წლამდე ნახშირბადის ნულოვანი გამოყოფის მიზნის ფარგლებში.

რა ხდება Jaguar-ის ამჟამინდელ მოდელებში?

Jaguar-ის ყველა მოდელი გაუმჯობესდა და განახლდა, ჩვენი სრული თავდადება კი უცვლელია პროდუქციის ამჟამინდელი ხაზისა და ჩვენი კლიენტების მიმართ. ეს ცვლილებები ყველაზე ნათლად 2024 წლის მოდელის ავტომობილებში აისახება, ყველა ახალ SUV-სა და სედანში ელექტრიფიცირებული ძრავის ვარიანტებით.

რას ნიშნავს ეს Jaguar-ის ამჟამინდელი კლიენტებისთვის?

Jaguar გააგრძელებს Jaguar-ის ავტომობილებით საცალო ვაჭრობასა და მათ მიწოდებას გლობალურად. Jaguar-ის მომსახურების ქსელი კვლავ სრულად ფუნქციონირებს და გააგრძელებს ამჟამინდელ კლიენტებზე ზრუნვასა და მათთვის ყურადღების მიქცევას უპრეცედენტო დონით. დილერები გააგრძელებენ Jaguar-ის პროდუქციისთვის მომსახურების გაწევას, დააკმაყოფილებენ ნებისმიერ მოთხოვნას გარანტიის ფარგლებში და უზრუნველყოფენ როგორც პროგრამულ განახლებებს, ისე კლიენტთა საუკეთესო მხარდაჭერას. დაგეგმილი ტექნიკური მომსახურება და დახმარება გზაზე, პლუს Jaguar InControl® Remote & Protect™ კვლავ მხარდაჭერილი იქნება. ჩვენ მზად ვართ, ყოველდღე სადღეღამისო რეჟიმში ვიზრუნოთ თქვენზე და თქვენს Jaguar-ზე.

მაინც შევძლებ ჩემი Jaguar-ისთვის მომსახურების მიღებას Jaguar-ის დილერისგან?

თქვენ შეიძლება შეამჩნიოთ გარკვეული ცვლილებები, სანამ ჩვენ ვაუმჯობესებთ საცალო ვაჭრობის ქსელს და ვახდენთ მის ოპტიმიზაციას საუკეთესო მომსახურების უზრუნველსაყოფად, თუმცა ჩვენი სერვისების ქსელი თქვენს სამსახურში დარჩება. ადგილობრივი დილერის საპოვნელად განახორციელეთ ძიება აქ.

Jaguar-ის ადგილობრივი დილერი აღარ ვაჭრობს. სად მივიდე მომსახურებისთვის?

იმისთვის, რომ ნახოთ უახლოესი სერვისცენტრი, რომელიც შეძლებს თქვენი Jaguar-ისთვის ტექნიკური მომსახურების გაწევას, გადადით აქ.

შემიძლია, გამოვიყენო ჩემი ადგილობრივი Range Rover-ის/Defender-ის/Discovery-ს დილერი მომსახურებისთვის?

შეგიძლიათ, დარწმუნებული იყოთ, რომ ჩვენი დილერები გააგრძელებენ Jaguar-ის პროდუქციისთვის მომსახურების გაწევას, დააკმაყოფილებენ ნებისმიერ მოთხოვნას გარანტიის ფარგლებში და უზრუნველყოფენ როგორც პროგრამულ განახლებებს, ისე კლიენტთან საუკეთესო მხარდაჭერას. იპოვეთ ადგილობრივი დილერი აქ.

ნაწილები კვლავ ხელმისაწვდომი იქნება ჩემი Jaguar-ისთვის?

ჩვენ გავაგრძელებთ სერვისებისა და ტექნიკური მომსახურების კუთხით თქვენი ყველა მოთხოვნის დაკმაყოფილებას. დამატებითი ინფორმაციისთვის გაესაუბრეთ თქვენს დილერს.

ჩემი Jaguar კვლავ მიიღებს პროგრამულ განახლებებს?

დიახ. განახლებები გაიგზავნება თქვენს მანქანაში, როგორც კი ხელმისაწვდომი გახდება — ეს მოიცავს ქურდობისგან დაცვის უახლეს ზომებს.

ჩემი გარანტია ან/და მომსახურების გეგმა კვლავ ძალაში იქნება?

დიახ, არ იქნება შეფერხება თქვენი სტანდარტული ან გახანგრძლივებული გარანტიის ან/და მომსახურების გეგმის მოქმედების კუთხით. თქვენი მომსახურების გეგმის გამოყენება შესაძლებელია ნებისმიერ დილერთან, რომელიც მომსახურებას უწევს Jaguar-ის ავტომობილებს.

შემიძლია, კვლავ ვიყიდო აქსესუარები ჩემი Jaguar-ისთვის?

ჩვენ კვლავ მოგაწვდით თქვენი Jaguar-ისთვის სხვადასხვა აქსესუარს, როგორიცაა საბარგულის საფენები ან სახურავის ყუთები. დამატებითი ინფორმაციისთვის გაესაუბრეთ თქვენს ადგილობრივ დილერს აქ.

კვლავ შევძლებ, შევიძინო გახანგრძლივებული გარანტია ან/და განვაახლო ჩემი მომსახურების გეგმა?

Jaguar-ის მიზანია, მხარი დაუჭიროს ჩვენს კლიენტებს და უზრუნველყოს ფლობის განსაკუთრებული გამოცდილება. გახანგრძლივებული გარანტიები და მომსახურების გეგმები ხელმისაწვდომი იქნება თქვენი დილერისგან შესაძენად. იპოვეთ ადგილობრივი დილერი აქ.